Nangumpra pag sinakong bugas sa Carmen Public market niadtong Abril 7 hangtud Abril 9 ang usa ka pasyeteng barangay worker sa barangay Carmen nga namatay human nakit-an sa Department of Health nga nag-positibo sa Corona Virus Disease o COVID-19.
Kini ang gibutyag ni Dr. Joselito Retuya, Epidemiologist sa City Health Office o CHO human sa ilang active health surveillance ug contact tracing operation sa maong pasyenteng namatay sa Northern Mindanao Medical Center o NMMC.
Niadtong Abril 11, ang maong pasyente mitabang pa sa food distribution sa Zone 10, Barangay Carmen.
Sa pagka Abril 16 ug Abril 20, mitabang pa ang maong pasyente pagpanghatag sa bugas ug food pack sa ilang lugar sa Carmen.
Matud ni Retuya nga sa pagka April 21 ang maong covid positive patient namaligya pag utanon.
Sa pagka Abril 25 ang maong pasyente, mi-adto sa Palawan Carmen Branch sa wala mabutyag unsang orasa.
Niadtong April 26, ang maong pasyente, nagsugod na sa pagpakitag sintomas sa COVID-19 sama sa ubo.
Sa mao gihapon nga higayon ang maong pasyente, mi-apil pa kini ug dawat sa relief goods nga gipanghatag sa Zone 8 sa barangay Carmen.
Sa mao gihapon nga petsa, ang maong pasyente gipugos na sa iyang anak nga mag-home quarantine tungod sa iyang sintomas sa covid.
Sa pagka Mayo 1, ang maong pasyente gidala sa iyang anak ug gipa-admit sa NMMC.
Sa NMMC ang maong pasyente, na-admit sa lima ka adlaw gikan sa Mayo 1 hangtud Mayo 5.
Gidugang ni Retuya nga ang maong pasyente, nakuhaan og swab test niadtong Mayo 3 ug migawas ang resulta sa iyang swab testing niadtong Mayo 6 apan niadtong Mayo 5 namatay ang maong pasyente sulod sa NMMC.
-o0o-
