Mga ginikanan sa mga menor de edad na tuyo ka higayon na nadakpan sa implementasyon sa curfew tagpatawag sa Brgy. Taft., Surigao City
Tagpatawag an mga ginikanan sa mga menor de edad na tuyo ka higayon na nadakpan sa implementasyon sa curfew didto sa Brgy. taft., Surigao City.
Sumaya pa ni Brgy. Kapitan Pablo Bonono Jr. nan Brgy. Taft, an pagpatawag para tambagan an mga ini, maymayan ug pahibaw-on na base sa balaod kon tuyo ka higayon na balik-balik na nakalapas an mga menor de edad, an pasakahan nan kaso an mga ginikanan. Tagtudlo niini, dako an ila pasalamat ngadto sa kadagkuan sa City PNP lakip an City Social Welfare and Dev’t. Office sa pagtabang sa pagpasabot ngadto sa mga ginikanan.
Dugang pa, base sa ila listahan moabot sa 15 ka mga ginikanan an ila tagpatawag para awhagon na ila amumahon ug imatuto an mga anak labi na kay kuman na panahon, may pipila ka dautang elemento o mga sindikato an taggamit sa lain-laing krimen an mga menor de edad.
Gawas sa Brgy. Taft, an lain pa tagbisitahan nan kadagkuan sa PNP ug CSWD an Brgy. Canlanipa na kon diin maarang an nadakpan isab panahon sa curfew.
