Ya llega ya aqui na ciudad de Zamboanga el mga tropa del Army Scout Rangers que ya participa na engcuentro entrel mga myembros del Maute Terrorist Group na ciudad de Marawi.
Abordo na barko del Philippine Navy, el mga rangers temprano ya marcha desdel Majini Pier para na frontera del campo del Western Mindanao Command para atende el un programa que ya prepara el mensyonao mando.
Amediante el diila presensya, ya dale mensaje el hefe del WESMINCOM Lt. General Carlito Galvez,Jr ya comenda y recoegniza el diila heroism y el dedicaccion na diila trabajo como un soldao que hinde mas ta pensa el vida para encambio con el servicio na paiz.
Ya dale aura tiempo el mando del militar con el mga Army Rangers desdel Marawi para fuede man junto otravez con el diila mga familia masquin corto tiempo lang para fuede estos uni y esta alegre junto con el myembros del diila familia antes bira otraves na diila responsibilidad. *– Bhong Simbajon/RMN News*
