General Santo City–Gidayeg ni DepEd 12 Regional Director Dr. Allan Farnazo ang mga inisyatibo sa matag eskwelahan sa rehiyon sa ilang pagpangandam sa pag-abli sa klase, sama nalang sa mga pamaagi sa pagpang-apod apod ug modules.
Special mention ang Jose Catholico Elementary School diin gipatuman ang daw sama sa drive thru nga pagkuha ug module. Pinaagi niini naminusan ang person to person contact gumikan kay igo rang hapiton sa mga ginikanan ang module sa ilang mga anak ug nakasilyo pa ang mga modules.
Nagpasalamat usab ug dako si Dr. Farnazo sa mga ginikanan nga padayong naga-kooperar sa mga regulasyon sa matag tunghaan. Samtang nanawagan usab kini ug pagsabot ngadto sa mga ginikanan nga naga-reklamo gumikan kay buot nilang mahitabo nga ihatud gyud sa ilang panimalay ang mga modules.
Samtang iya usab gipahinumduman ang mga magtutudlo nga mag-amping kanunay ug unahon gyud ang ilang safety luyo paman sa ilang pagtuman sa ilang mga tahas aron malikayan nga sila matakdan sa covid-19.
