Luwas na kan-on an mga isda na makuha gikan sa Lake Mainit sa Mainit, Surigao del Norte. Ini an tagsiguro nan Regional Director Nerio Casil sa Bureau of Fisheries and Aquatic Resources (BFAR). Matud pa niini, tinuod na may fish kill na mitumaw adton Nobyembre sa milabay na tuig 2015 sa Lake Mainit na kon diin gatusan ka mga isda sa karpa ug pijanga an nolutaw ug nangamatay. Tagtudlo ni Casil, may resulta na sa examinasyon na taghimo nila sa water sample sa Lake Mainit lakip an isda na nakuha, ini tagpadaya pa sa BFAR national office ug mitumaw na an low oxygen level an rason. May nakit-an na presensiya sa kemikal na posible gikan sa mga mining companies sa palibot pero dili kon makapaalarma gumikan kay waya pa ini molampas sa normal level.
Dugang pa nan BFAR Director, tagpahibayo na nila an lokal na gobyerno sa Mainit kabahin sa resulta sa examinasyon ug sa balik normal na an pagkaon nan mga residente didto sa isda na makuha sa Lake Mainit.
