Kalibo, Aklan – Ginpangaeanan ko Ati-atihan pageant organizer ro mga kandidata para sa Mutya it Kalibo Ati-atihan 2019.
Sa 26 ka mga aspirants nga nagpaidaeom sa screening hay 16 rong napili.
Sanday 2016 Miss Nabas Tourism Nicole Angela Crescini ag 2018 Diwata kang Madja-as Jamaica Venturillo halin sa Nabas, Aklan, ag 2018 Ms. Metro titlist Francesca Beatriz Abalajon halin sa Kalibo, Aklan rong nagapanguna makarong batch it mga finalist ag naga salig nga magasoksok it korona ag makabuoe it titulo sa paeaabuton nga Enero.
Ro iba pang mga finalist hay sanday Philiana Hedy Zante it Libacao; Sofia Claire Inocentes ag Shenna Ellica Retiro it New Washington; Shenna Adrien Pador it Altavas; Maria Ramona Nieto, Princess Shemith Filomeno ag Aubrey Denille Sy it Kalibo; Arlene Faye Beltran ag Mary Anne Lopez it Numancia; Jamella Jane Remaneses it Banga, ag Cuty Ann Guzman, Gina May Curises ag Pearly Ann Libuton, tanan halin sa Nabas.
Ro nasambit nga mga finalist hay magapaindis indis ko andang talento, swimsuit, evening gown, festival costume, production number ag interview.
Ginpatigayon rong screening it mga kandidata ko Oktubre 21 sa Aklan Trade Hall in Capitol Site, Kalibo, Aklan kung Kalibo Sto. Nino Ati-Atihan Foundation, Inc. (Kasafi).
Pagahiwaton rong Mutya it Kalibo Ati-atihan 2019 sa maabot nga Enero 11 sa Gov. Augusto B. Legaspi Sports and Cultural Center.
