Mipirma sa kasabutan ang mga kandidato ning syudad sa Cagayan de Oro ug misaad nga ilang ipatunhay ang kahusay ug kalinaw ning syudad sa eleksyon sa Mayo.
Kini pinaagi sa ilang pag-apil sa pogramang Ugnayan ng Simbahan at Pulis, kinsa unang nagpahigayon sa Solidarity walk niadtong Sabado sa buntag nga ang tumong ang kalinaw sa Cagayan de Oro sa umaabot nga eleksyon.
Matud ni City Director Senior Supt. Nelson Aganon nga saad sa mga kandidato mao ang nagpamatood nga dinhi sa Cagayan de Oro walay luna ang mga kasamok.
Gibutyag usab ni Supt. Mardy Horillosa nga pinaagi sa pirma sa mga kandidato, misaad sila nga kadtong modaog sa politika maoy mopatuman sa kalinaw samtang kadtong mapildi misaad nga dili magsamok samok sa mga kandidato nga midaog sa eleksyon.
