Mipasalig si Misamis Oriental Gov Bambi Emano nga dili pasagdan ang mga karaan nga operator sa PUVs sa lalawigan bisan paman kung suportado niini ang flagship project ni presidente Rodrigo Duterte nga pag-modernize sa mga pampublikong sakyanan.
Giaghat usab sa gobernador ang tanang jeepney driver ug operator nga magmodernize sa ilang mga units alang sa pagpalambo sa turismo sa lalawigan.
Gipasabot sa opisyal nga dili ma-displace ang mga jeepney drivers nga dunay karaan nga unit kay mamahimo kining i-barter sa modernize unit ug dili sila maglisod pag-angkon niini tungod kay naa silay madawat nga subsidy nga mukabat sa 70 hangtud 80 tawsan pesos gikan sa National Government ug lain pang 70 hangtud 80 tawsan pesos nga subsidy gikan sa lokal nga panggamhanan.
Dugang pahayag ni Gov. Emano nga dili angay’ng mabalaka ang mga operators kay kanunay ang suporta sa panggamhanang lokal ug ni Provincial Cooperative Officer Boboy Acain kung nagkinahanglan man ug financial assistance ang mga sakop sa kooperatiba sa lalawigan.
