Ipadayon gihapon sa PadayonPilipino ang ilang kandidatora taliwala sa kamatayon ni kanhi mayor Vicente “Dongkoy” Emano kinsa maoy nagpapili pagka-bise mayor dinhi sa siyudad karong umaabot May 13 elections.
Naghulat na lamang sila karon sa signal sa pamilya sa namatay kung kinsa ang ipuli sa dapit niini.
Matud ni kandidato pagka-mayor Pompee La Viña, padayon ang laban mintras naghulat sila sa desisyon sa pamilyang Emano.
Gibutyag ni La Viña nga usa ka tinood nga amahan ang tinagdan kaniya sa namatay nga gitawag og Political Kingpin.
Nakita sa opisyal ang fighting spirit ni Dongkoy sa ilang gipahigayong mga rally ug mao kini ang naghatag giya kanila kung asa nga barangay ang bisitahon.
Wala matud pa nakita ni La Viña ang kaluya sa lawas sa kanhi mayor.
Mipaabot usab si La Viña sa iyang pasalamat uban sa pag-ingon nga nahimo niyang inspirasyon si Dongkoy tungod kay bisan sa mga pagbiay-biay ug pagpangdaot, nagpadayon kini sa kaikag nga moserbisyo sa katawhan.
