Masub-anon ang mga kawani sa lokal nga pangagamhanan sa Malaybalay atol sa pagsugat niini sa mga abo ni late Mayor Florencio T. Flores Jr. kagahapon sa City Hall.
Napuno og mga nakaputi nga sinina dala ang mga puting balloons nga gipalupad dungan sa paglabay sa mga abo ni Mayor Flores nga gisugat sa water salute pinaagi sa Bureau of Fire and Protection (BFP)-Malaybalay.
Gisugat sa kinatibuk-ang mga kawani sa City Hall ang mga abo sa Mayor nga ibiyahe padulong sa Brgy. Linabo karong buntag alang sa mga katawhan sa maong lugar nga matagaan og higayon sa pagpadangat sa ilang simpatiya sa kamatayon niini. Ugmang adlawa pagadal-on kini sa Barangay Zamboanguita.
Madumduman nga mitaliwan ang amahan sa dakbayan sa Malaybalay adtong Huwebes sa hapon gumikan sa komplikasyon sa sakit nga Covid-19.
Facebook Comments
