Nakumpiska sa mga otoridad atol sa gihimong raid sa Alwana crossing Malasag, Barangay Cugman ning syudad ang duha ka close type van nga adunay sulod nagkalain laing klase sa sigarilyo nga pulos mga peke.
Kini naglakip na sa Philip Morris, Marvel ug mga produktong iya sa Mighty Corporation.
Ang maong operasyon gilusad sa Criminal Investigation and Detection Group o C-I-D-G Caraga kauban ang mga representante sa Philip Morris sa Manila ug uban pang unit sa kapulisan, Bureau of Internal Revenue o B-I-R ug uban pang ahensya.
Gi-raid usab ang bodega nga nahimutang sa crossing Malasag, Barangay Cugman kung asa nakuha ang mga kinarton nga pekeng mga sigarilyo ug ang mga gamit sa paghimog sigarilyo.
Nasayran nga ang bodega gipanag-iyahan sa usa ka Larico Lim nga giabangan ug gipalit pa sa usa ka Taiwanese national dinhi sa syudad aron maoy himoan sa mga pekeng sigarilyo.
Sa karon gipaubos na sa imbestigasyon ang maong kaso ug gikustodiya na sa mga otoridad ang mga pekeng sigarilyo.
PC: RadyoMaN Jonathan Bullo
