Tibiao, Antique — Arestado rong daywa ka mga manakaw nga naghana nga
takawan rong sangka boarding house sa Tibiao, Antique kahapon.
Nakilaea rong mga suspek nga sanday Genie Mobo, 36-anyos, residente it
Poblacion, Makato, ag John Paul Manajero, 18-anyos it Tapaz, Capiz.
Samtang ro biktima hay nakilaea man kay Cyndel Mae Padpad, 22 anyos ng
Centro Poblacion, Culasi, Antique.
Base sa report, it Tibiao MPS nga ginsueod it mga suspek rong daywa ka
kwarto it nasambit nga boarding house ag ginbuoe rong kwarta nga naga balor
it P15,000 ag sangka Acer Netbook.
Nadiskubrehan ro nasambit nga pagpanakaw matapos nga gulpihang nag uli ro
biktima bangud sa ginatawag nga “call of nature”.
Insigida nga gin report raya sa pulis ag ginkasa rong hot pursuyit
operation sa mga suspek kung sa siin sanda ra nakit-an nga nagatikang
tikang sa national highway kung Sitio Calaugan, Poblacion, Tibiao, Antique
ag gin aresto.
Sa makaron hay una eon sa kustodiya it Tibiao PNP rong daywa para sa
pagpasaka it kaso.
