Kalibo, Aklan — Nagpaabot it reklamo sa opisina ni Mayor William Lachica it banwang Kalibo rong mga meyembro it Kalibo Public Market Vendors Association pinaagi man kay Mr. Arnel M. Meren bilang andang president angot sa mga pagginawi ag patakaran ni Mr. John Ariel Fernandez bilang OIC Market Master.
Sa pakikipag-angot it RMN DYKR Kalibo, sa programang Straight-to-the Point ni Kasamang Ernie Samboang kay Mr. Meren nga ana karang gin klaro nga uwa sanda naga protesta nga pahalinon si Mr. Fernadez kundi ayuson nana ro anang patakaran sa Kalibo Public Market.
Bukon suno kana nga porke tinder ag tinder sanda hay matsa gina basta-basta eon lang. Dapat man suno kana nga taw-an it konsoderasyon do mga negosyante nga kon may ginbayolar hay istoryahan it mayad ag bukon ipaagi sa arogante nga pag istorya bangud nga una mant-a sanda sa pag sabat sa mga pinalidad basta nga may una eamang nga papel nga ginapakita it hustong sueondanan.
Samtang, pila pa gid ka vendors man rong nagpaabot ko andang hinyo sa kapareho nga problema dahil sundo kanda kaabo abo eon nga mga market master ro nag-agi sa Kalibo Public Market hay mga matawhay ta sanda makipag istorya sa mga vendors ag bukon it arogante.
