Pasar ang grado nga gihatag ni Cagayan de Oro City Police Office o COCPO Spokesperson Police Major Evan Viñas sa tanang police personnel nga mi-responde sa suicide bomb drill kagahapon sa hapon sa dalan V. Castro., du-ol sa Carmen Police Station.
Matud ni Viñas nga nga 80 porsiento ang grado nga iyang gihatag sa Bomb Squad, K-9 Unit, SOCO, ug ang tanang police operating Unit nga mi-apil sa maong bomb drill Exercises.
Gibutyag ni Viñas nga mikabat lamang sa duha ngadto sa upat ka minutos, naka-responde ang mga otoridad sa ilang gipato-on nga bomba nga gipaboto sa usa gipatoong suicide bomber.
Matud ni Viñas nga organisado ang pag-reponde sa mga police kay tagsa tagsa ilang nahimo ang ilang mga tahas.
Apan gi-angkon ni Viñas nga dili perfect ang maong bomb drill.
Kay matud sa maong police official nga dunay pipila ka mga butang nga dapat ma-improve nga naglakip sa puwesto nga ilang gitagana alang sa media.
Kay matud ni Viñas nga duol ra kaayo ang puwesto sa Media sa dapit diin gipahigayon ang bomb blast site sa maong exercises.
