Kalibo, Aklan – Kahadlok ag nebyos rong nabatyagan it mga nagabaligya it barbeque matapos nga ginpatumtoman ag ginpaeokpan it baril kabii sa Crossing Buswang Kalibo, Aklan.
Sa blotter report it Kalibo PNP nga nakabaton sanda it tawag halin sa sangka concerned citizen nga may unang sangka eaeaki nga may baril ag nagapinaeopok ag insigida nga gin respondehan.
Sa inisyal nga imbestigasyon it mga kapulisan nasayuran nga mga alal 9:00 kabii samtang rayang si alyas Mabeth, 12-anyos ag residente it nasambit nga lugar hay nagabaligya it barbeque hay may gulpi nga nagpundo nga sangka Kawasaki Furry nga motor ag ginamaneho ni Peter Umitin nga na-obserbahan hilong ag may babayeng angkas nga sa uwa it anong rason ag probokasyon hay nag singgit raya it mabaskog nga “P_T_NG INA NINYO” ag dayon nagbuoe it anang baril sa sling bag, gin load ro baril ag nagsinggit eoman it uman ko “P_T_NG INA NINYO” ag dayon nagpaeopok it baril sa kild ko unga nga tumama sa pertahan it CR nga himo sa kahoy.
Rayang biktima hay naghambae rayon nga “TAMA EON KOL”. Gumuwa dayon sa baeay si Ruby Baldonado Villanueva, 20-anyos kung sa siin imaw man ra pinatumtoman ni Umitin ag pinaeokpan it baril it makaywang beses nga tumama man sa pwertahan it CR.
Raya man ro nagtueod kay Rona Mae Baldonado Villanueva, 25-anyos it nasambit man nga lugar nga guyuron ro anang manghod nga eaeaki ag babaye pasueod sa andang baeay.
Sa dugang pa gid nga imbestigasyon hay bago humalin si Umitin sa lugar ana pa nga ginsipa rong barbeque stand dahilan nga raya hay magkaeahueog sa semento.
Naka recover ro mga nag respondeng pulis it 3 ka fired cartridge nga una eon sa kustodiya it Kalibo PNP ag nakataeana nga iga turn-over sa Provincial Crime Laboratory para sa ballistic examination.
Padayon pa makaron rong ginapatigayon nga hot pursuit operation it mga kapulisan para nga madakpan rong nasambit nga suspek
#TatakRMN <www.facebook.com/hashtag/tatakrmn?source=feed_text&epa=HASHTAG&__xts__%5B0%5D=68.ARBcW7nquasrds87tOMbgfPdAoKosYmfH8sDFmLpZtjM1OLq1EUJho0Ux1zJ1Mllzdmmg3G2Ub_uEcvfOfepnSJPtrjyQVIVNIJ2fn-dijySsPxIfo2_…>
