Dead on arrival sa hospital ang manag-uyab nga negosyante human nga gipusil sa riding in tandem kagahapon didto sa Brgy. Salvacion, Bayugan City, Agusan del Sur.
Giila ni PSupt. Romeo Villalobos, Jr. Chief of Police sa Bayugan City PNP ang mga biktima nga sila si Margarita Hipos Bueno, 50 anyos , financer sa kahoyng falcata , taga P-15 Tangguile, Brgy. Poblacion, Bayugan City ug Romeo Pascual Herme, 49 anyos, buyer ug kahoyng falcata, residente sa P-1 Brgy. Taganahaw, Lungsod sa Esperanza, Agusan del Sur.
Sumala pa ni Supt. Villalobos, adeser na nahitabo ang pagpamusil, gikan naningil sa iyang pautang ang biktima nga si Margarette ug mi-backride kini sa single motor sa kapartner niini sa negosyo nga si Romeo nga mopadulong usab sa Lungsod sa Esperanza.
Pag-abot sa Brgy. Salvacion sa Bayugan City, kalit nga giilog ang bag sa mga nakamotorsiklo ug gipamusil ang duha gamit ang caliber 45 pistol nga miresulta sa kamatayon.
Dugang pa sa opisyal, sa dihang gilusad ang manhunt operation adunay usa nga nasikop ang kapulisan nga mitugma kini sa description nga giluwatan sa mga witness nga padayon pa sab nga giimbestigahan sa pagkakaron nga si Lorenzo Briones Pamor alias Jojo, 39 anyos, minyo , usa ka mag-uuma nga taga P-16, Brgy. Maguinda, Butuan City. (PHOTO COURTESY OF JULIE)
