Mga Operators sa PUV, gipasabot sa modernization program ni Presidente Duterte

14
PC: RadyoMaN Joana Ricote

Gipasabot ang mga operators sa Public Utility Vehicle kon PUV alayon sa nakatakdang pagpatuman sa modernization program ilalom sa administrasyon ni Presidente Rodrigo Duterte.

Nasayran nga usa ka forum ang gipahigayon kagahapong adlawa, nga gitambongan nilang City Councilor Bong Lao ang Chairman sa Committee on Public Utilities sa konseho, Roads and Traffic Administration, Office of Transport Cooperative, Land Transportation Franchising and Regulatory Board, Cooperative Development Authority, Ficco, Land bank ingon man ang DBP.


Matud ni LTFRB Director Allan Guro nga karong Hunyo 20, 2020, ipatuman na ang modernization program sa mga PUV kung asa ang mga pampasaherong sakyanan nga kapin 15 ka tuig na ang i-phase out sa gobyerno kay kini mga dilapidated ug gabuga sa itum nga aso.

Tungod niini, gi-aghat sa LTFRB ang mga operator nga musalmot sa maong modernization program kay dili sila pasagdan sa gobyerno sa maong kabag-ohan, ingon man nga dunay usab mga bangko nga andam magpahulam og kwarta nga maoy gamiton alang sa modernization program.

Kinahanglan lamang nga mag sumite sa mga kinahanglan nga requirement.

Facebook Comments

From Advertisers