Gitabangan karon sa National Confederation of Transport Union kon NCTU ang mga operators ning syudad aron nga masabtan niini ang modernization program.
Kini ang gibutyag ni Jaime Aguilar ang National Coordinator sa NCTU.
Matud ni Aguilar nga pulos pagpanghadlok ang gihimo karon sa Land Transportation Franchising ang Regulatory Board kon LTFRB sama sa pagsunod sa Memorandum circular nga nagtakda sa mga patakaran sa modernization program.
Samtang gitawag ni Aguilar nga anti poor ang ginahimo sa LTFRB.
Matud ni Aguilar nga una nang gibutyag sa LTFRB nga magtukod sila og COOP aron nga matagaan og prangkisa apan dihang nagmugna na og COOP ang mga asosasyon, nagpagawas na usab kini og mga memorandum circular nga lisod sundon sa mga bag-ong kooperatiba.
Usa na niini, mao ang pagpakuha og bag-ong unit nga dili makaya sa mga bag-ong tukod nga operatiba ug ang garahe.
Dugang pa ni Aguilar nga buot lamang sa NCTU ang makatarungan ug hinay-hinay nga kabag-ohan diin mahatagan sila og panahon nga maka-modernized sa pamaagi nga ilang gusto.
