NEGROS OCCIDENTAL – Liwat naman nga gin-remind ni President Rodrigo Duterte ang mga opisyales sang gobierno sa mga programa sang iya administrasyon partikular sa kampanya sini sa illegal drugs.
Suno kay Presidente Duterte nga wala sya mahadlok magpatay sa mga pulitiko nga inbolbado sa druga.
Ini ang ginhimo sang pangulo sa iya pagbisita sa Victorias City kagab-i para sa political rally sang PDP-Laban sa diin naglawig naman sa duha ka oras ang iya speech.
Ang ina nga mensahe sang presidente ang nakaagom naman sang matunog nga palakpak sa crowd.
Una na nga nagpadulong si Pres. Duterte sa syudad sang Sagay angut sa distribution sang CLOA.
Wala labot sa illegal nga druga, ginapahanumdum man sang pangulo ang mga local officials nga dapat ubrahon nila ang ila nga trabaho kag indi dapat pagpabudlayan ang publiko.
Dugang pa sang presidente nga wala siya sang may gina-tolerate nga tawo bisan pa ang iya mga kaabyanan sa tion nga ma-involve ang mga ini sa mga illegal activities./YVES MONTECILLO
