Mga opisyal sa Barangay nga lakip sa narco-list sa PDEA, tokhangon sa PNP

10

Ipaubos sa Philippine National Police o PNP sa oplan tokhang ang mga opisyal sa Barangay nga ginganlan sa Philippine Drug Enforcement Agency o P-DEA nga nalambigit sa iligal nga droga.

Matud ni PNP Chief Police Director General Oscar Albayalde, gihulat na lang nila ang validated narco list gikan sa P-DEA.

Tuktokon ug hangyoon matud pa nila ang tanang drug user o protektor man sa iligal nga droga.

Kung drug user, ipaubos sila sa rehabilitasyon samtang kung protektor, pangitaan sa ebidensya ug pasakaan sa kaso.

Posible matud pang isyuhan sa search warrant ang mga anaa sa narco list ug mahimong target sa anti drug operation.

Matud ni PNP Chief nga kung unsa man ang ginahimong tokhang sa mga ordinaryong sibilyan mao usab ang ipatuman sa mga Baragay officials.

Facebook Comments