Gimandoan ni Judge Gil Bollozos sa Regional Trial Court Branch 21 ang mga officials sa Acatech Aviation College sa Barangay Lapasan nga ilang tugotan nga mo-graduate sa April 12 ang ilang usa ka estudyante ug hatagan sa klase ang lain pang tulo ka mga tinun-an human ilang gi-dismiss sa ilang pagka estudyante sa maong kolehiyo.
Kini nga mando, gipakanaog ni Judge Bollozos pinaagi sa iyang duha ka pahinang Temporary Restraining Order nga gipakanaog niadtong April 1.
Lakip sa gimandoan ni Judge Bollozos silang Acatech President Jonathan Palma ug Acatech Perfect Discipline Atty. Jose Pallugna nga ilang ipagraduate ang ilang estudyante nga si Mohammad Adel Roa ug ilang hatagan sa klase silang Kristin Gavas, Amir Clerel Roa ug Karen Faith Suico nga ilang gi-dismiss sa pagka estudsyante sa maong kolehiyo human nakit-ang nakalapas sa kasong administratibo.
Ang maong mga estudyante, gi-dimiss sa pagka estudyante sa Acatech human nagpadalag sulat reklamo ni Transportation Secretary Arthur Tugade nga nag-reports nga dili maayo ang mga polisiya sa maong tunghaan.
