Giaghat karon sa syudad ang mga benepisyaryo sa Piso-Piso program sa Calaanan Phase 1 Barangay Canitoan ning syudad aron makahimo sa pagbayad sa yuta nga ilang gi-okupar.
Matud ni Engr. Armen Cuenca, Executive Director sa Task Force for the Emancipation of Piso-Piso Beneficiaries nga tumong sa pagbayad nga maproseso na ang pagpatitulo sa yuta.
Nasayran nga adunay dul-an 700 ka mga benepisyaryo sa maong luna nga gipanag-iya sa syudad apan sa maong gidaghanon duha pa lang ang nag-fully paid.
Gipahibalo ni Cuenca nga ang mga beneficiaries pwede nang mobayad sa gusto nila nga scheme nga one-time payment or installment basis ba.
Ang maong Piso-Piso site gitawag karon nga Cagayan de Oro Resettlement Socialized Housing Program kon CDORSHP 1 Calaanan Phase 1, Barangay Canitoan.
PC: CIO
