Mga pribado nga eskwelahan sa ciudad sang Bacolod nagpahayag sang ila kahandaan nga mangin isa sa una nga sector nga magpaidalum sa vaccination para sa COVID-19.
Ini matapos nga nagpakigta kay Mayor Bing Leonardia sanday STI West Negros University executive vice president/president sang Negros Occidental Private Schools Sports Cultural Educational Association (NOPSSCEA) Ryan Mark Molina kag USLS president and chancellor, Bro. Kenneth Martinez.
Suno kay Martinez nga pinaagi sa vaccine, katuyuan nila nga mapabilin ang kapagsik sa ila mga eskwelahan kag agud masiguro nga ini sila ang makasarang gihapon sa sining panahon sang pagtilaw.
Samtang, pahayag naman ni Molina nga ang management sang mga pribado nga eskwelahan nagpahayag sang suporta kag gin-boluntaryo ang ila mga pasilidad para gamiton sang gobierno sa pagpatuman sang amo nga programa.
[image: image.png]
