General Santos City—Hugtanong gikondina sa mga progresibong grupo ang kamatayon sa 7 ka mga gikaingong supporters sa NPA.
Sumala ni Zonia Eugenio, tigpamaba sa Bayan Socksargen nga usa ka masaker ang gihimo sa militar ngadto sa mga nahisgutan.
Gihingusgan niini nga dili mga miyembro sa NPA ang mga napatay sa militar sanglit mga yanong mag-uuma lang sa maong lugar. Wala usab matud pay mga armas ang mga nasangpit sukwahi sa giingon sa militar nga naghupot ug armas ang mga nahisgutan.
Dugang pa ni Eugenio nga sa kasamtangan nagbangutan matud pa ang pamilya sa mga biktima human sa insidenti ug nanawagan ug hustisya human sa kamatayon sa mga nahisgutan.
Samtang hugtanon usab nga gihingusgan sa militar nga ang mga napatay ang ilado nang supporters sa NPA didto mismo sa maong lugar.
