General Santos City— Gilibot ni Police Chief Superintendent Marcelo Morales, Regional Director sa Police Regional Office 12 ang duha ka mga Provincial Jail sa rehiyon partikular na ang South Cotabato ug Sultan Kudarat Provincial Jail.
Pag-angkon niya nga nang-hinobra gyud ang ihap sa mga piniriso sa maong mga pasilidad gumikan nangguot matud pa sila sa matag selda. Kung asa sagad sa mga piniriso ang adunay kasong may kalabutan sa illegal nga droga, hilabi na nga mas gipakusgan karon ang kampanya batok niini.
Dugang pamahayag ni Gen. Morales nga siya mismo ang misulod sa mga selda rason nga iyaha gyud nga nakita ang sitwasyon sa mga piniriso. Pagpaklaro niya nga sa karon ang mga jail warden ang aduna nay mga lakang nga ginahimo gumikan ilaha man usab nakit-an ang kahimtang sa mga piniriso.
Sa karon matud pa aduna nay suwat ang mga jail warden aron sa pagpangayo ug tabang pinansyal ngadto sa mga lokal nga panggmahanan aron mas mapalapdan ang mga selda*.*
