Mga proyekto sa DPWH gina-coordinate sa DWCD aron damyos sa tubo malikayan

Davao City – Nakipagalayon na ang Department of Public Works and Highways (DPWH-XI) sa utility companies sama sa Davao City Water District (DCWD), Davao Light and Power Company (DLPC) ug telecommunication companies (telcos) diha sa ilang mga proyekto.

Gibutyag ni Dean Ortiz, DPWH XI spokesperson, kini aron malikayan nga madamyos ang ilang mga linya sa implementasyon sa mga proyekto.

“Naga-coordinate ta kay sa pag-abot na sa implementation ilabi na involved ang pag-improve sa drainage magkalot gyod ta sa yuta, so there’s really a big possibility nga maigo pod ang ilahang assets. In the case of water district every time nga mukalot ta naa gyud ang presence nila para sila ang mu-guide sa mga backhoe operators sa mga contractors nato kung asa safe ug unsaon pagdiskarte nga dili maapektuhan ang ilahang mga tubo,” matud ni Ortiz.

Gitataw ni Ortiz, kung adunay mga mahitabong insidente o maapektohang assets tungod aksidente kining naigo andam silang mutabang sa pag-ayo niini.

RadyoMaN Aimee Guinita