General Santos City–Angayan lang disiplinahon ang mga pulis nga nalambigit sa mga iligal nga aktibidad o gitawag nga police eskalawag, kini ang gihingusgan ni Police Supt. Jeody Condeza, ang tigpamaba sa Sarangani Police Office.
Sumala ni Condeza nga dili dapat itolerate ang mga pulis nga nagahimo ug mga butang nga sukwahi sa ilang gisumpaan.
Aminado si Condeza nga apektado gyud ang kinatibuk-ang organisasyon sa kapulisan hilabi na sa hisgutanang kridibilidad bisan paman nga pipila ra ka mga pulis ang gahimo ug kahiwian.
Aminado usab kinin nga bisag asang lugar sa nasud duna gyoy pulis nga mga badlungon. Dinhi sa rehiyon 12 aduna nay pito ka mga pulis nga gipangtanggal si Police Chief Supt. Marcelo Morales gumikan sa nagkalain-laing mga bayolasyon.
Panghimangno nalang ni Condeza sa mga pulis sa Sarangani nga magtinarong ug dili mag apil apil sa iligal nga gimbuhaton aron dili mahisama sa using nahisalaag nga pulis nga gawas natangtang sa serbisyo nabalhog pa sa prisohan.
