Mga pulis nga samaran sa shoot out sa Opol, Misamis Oriental, stable na ang kahimtang

126
PC: RadyoMaN Jonathan Bullo

Gibalhin na ug anaa na sa stable nga kondisyon ang mga pulis nga samaran atol sa shot out kagabie sa Vamenta Subdivision, Barra, Opol, Misamis Oriental batok sa suspect nga naila sa ngalang si Maingko Alinog alyas Mike.

 

Si Alinog maoy suspect sa shooting incident nga nahitabo niadtong Oktubre otso sa Tangkongan, Pinikitan, Barangay Camaman-an ning syudad.


 

Ang mga pulis nga samaran mao sila Pcpl Reynante Rara nga sakop sa Cogon Police Station kinsa naigo sa iyang tuo nga kamot ug Pssg Rex Tenio kinsa samaran sa iyang walang braso ug Police Staff Sergeant Homer Rapliza sa SWAT sa COCPO ang samaran sa iyang paa.

 

Samtang laing pulis pa ang samara nga sakop sa swat.

 

Mahinumduman nga kagahapong adlawa, nagpahigayon sa buy bust operation ang kapulisan sa usa ka inn sa Barangay Kauswagan apan gibalhin kini sa suspect ngadto sa Barra, Opol hinungdan nga dihang na consummate na ang buy bust operation og dihang gisikop na kini.

 

Kalit nga misukol ang suspect ug namusil sa mga pulis dayon misulod sa usa sa mga panimalay sa Vamenta Subdivision, Barra, Opol, Misamis Oriental.

 

Gumikan niini, samaran ang mga pulis nga nasangpit nga unahan kinsa daling gipangdala sa JR Borja General Hospital apan gibalhin ra usab ngadto sa usa ka pribadong hospital ning syudad.

 

Samtang ang suspect nga si Maingko Alinog ang namatay atol sa operasyon.

Facebook Comments

From Advertisers