Pormal nang gi turn-over ang 24 ka duplex type housing units ngadto sa mga residente sa Purok-7 Hanil gikan sa lokal nga kagamhanan sa Salay, Misamis Oriental inaabagan sa National Housing Authority o NHA.
Pasiuna pa lang kini sa 100 ka housing units sa Phase 1 sa maong proyekto.
Alayon niini, dunay kontribusyon ang mga residente matag bulan nga mokabat sa 500 pesos nga himoong trust fund alang sa dugang kalamboan sa lugar.
Nagsugod na og pamalhin ang mga residente sa ilang konkreto nga puloy-anan nga aduna na’y kaugalingong comfort room, tubig ug kuryente.
Matud ni Engr. Fe Ancheta, ang manager sa NHA sa District 1 nga pipila pa lang ka lungsod ang nakaangkon sa housing project.
Sa karon, duna pay dugang 100 ka benepisyaryo ang target nga mahatagan sa maong proyekto.
