Mga residente sa Purok 12, Barangay Tablon, gihatagan og dose ka adlaw aron makabalhin sa pagpuyo

Gihatagan og dose ka adlaw nga lugway sa korte ang mga residente sa Purok 12, Sityo Baloy, Barangay Tablon ning syudad aron hingpit nga makabalhin sa pagpuyo.

Kini ang resulta sa gipasakang dinaliang mosyon aron mahatagan og lugway ang gitakdang demolisyon sa 240 ka mga balay sa nasangpit nga dapit.

Gikalipay kini sa mga residente ug ni Atty. Dale Mordeno, bisan paman niubos sa 12 ka adlaw imbis 15 ka adlaw unta ang ilang gihangyo nga lugway aron makabalhin ang mga residente.

Mahinumduman nga kagahapong adlawa, temporaryong napugngan ang pagpadayon sa demolisyon sa kapin 200 ka balay tungod sa maong hangyo.