All set na ang Department of Social Welfare and Development kon DSWD Region 10 alang sa National Household Targeting System for Poverty Reduction (NHTS-PR) kon Listahanan 3rd Round.
Sa interview sa RMN Malaybalay ngadto kang Oliver Inodeo ang focal person sa DSWD Northern Mindanao gibutyag niini nga oras mahuman ang training sa mga enumerators sa probinsya sa Bukidnon tuloy-tuloy na ang himoon nga survey sa kada panimalay.
Gipasabot usab ni Inodeo nga dili apil sa survey ang mga high—in subdivisions tungod kay pulos nagpuyo dinhi adunay kaya.
Gidugang niini nga sa urban areas kadtong mga adunay taas lang nga bracket sa poverty ang paga-surveyhon apan lukpon ang tanang panimalay didto sa rural areas.
Ang Listahanan usa ka programa sa DSWD nga nagtumong ilhon ug sayron kung asa ang mga kabus natong mga kaigsuonan.
Ang Listahan himoon kada ika-upat ka tuig. Ang pinaka-ulahing Listahanan gihimong kaniadtong tuig 2015.
