Gipili ni Department of Agriculture Regional Director Carlene Collado ang mga sundalo sa 4th Infantry Diamond Division nga mahimong binipisyaryo sa duha ka adlaw’ng “Tienda para sa mga bayani” nga gisugdan gahapon hangtud karong adlawa Pebrero 28.
Pinaagi sa maong kalihokan, gihatagan sa mga preskong ani ang mga sundalo sulod sa kampo. Ang Tienda usa ka bag-ong marketing system nga gilusad sa D-A nga nagtumong paghatag kasayon sa mga mag-uuma nga mapaabot ang ilang mga produkto sa mga konsumante.
Ang duha ka adlaw nga Tienda giablihan ni D-A Regional Director Carlene Callado ug 4th ID commander Brigadier General Franco Nemesio Gacal uban ang presensya sa mga representante sa Bureau of Fisheries and Aquatic Resources, National Food Authority, mga personahe sa 4th ID ug mga sibilyan.
Kini na ang ikaduhang pagpahigayon sa maong aktibidad sulod sa kampo diin ang unang higayon niadtong July 31, 2018 sa pagdumala ni D-A undersecretay Jose Gabriel La Vina.
