Masulob-ong gidawat sa tagsa-tagsa ka mga pamilya ang upat ka mga sundalong taga Bukidnon nga naapil sa C130 crash adtong Domingo sa Patikul, Sulu.
Lakip sila sa unom ka mga patayng lawas nga giturn-over sa 4ID Philippine Army adtong milabayng adlaw didto sa Camp Evangelista sa Brgy. Patag, Cagayan De Oro City.
Nailhan ang mga patayng lawas nga sila PVT. Vic A. Monera ug PVT. Mark Nash P. Lumanta nga pulos taga Maramag, Bukidnon, PVT. Mel Mark l. Angana nga taga Malaybalay City ug PVT. Marcelino H. Alquisar nga taga Impasug-ong, Bukidnon.
Naila pud ang duha nga sila SGT. Butch D. Maestro nga taga Balingoan, Misamis Oriental ug si PVT. Raymar C. Carmona nga taga Kitcharao, Agusan Del Norte.
Sila unom lang sa kapin kon kulang 50 ka mga sundalo ug sibilyan nga nakabsan sa kinabuhi sa nahitabong disgrasya.
