Kasong robbery with homicide ug frustated homicide ang atubangon sa duha ka suspek nga silang Reymark Pamatong ug Bernie Belen.
Kini ang gibutyag ni Police Master Sergeant Celmyr Daponlay, ang imbestigador sa kaso.
Matud ni Master Sergeant Daconlay, nga possible nga aduna pay laing reklamo nga moabot batok sa mga suspek tungod kay mireklamo mismo ang agency ni Pamatong human niini gikawat ang isyu nga armas.
Giklaro ni Daconlay, nga head guard si Pamatong sa planta hinungdan nga nakakuha kini og armas.
Nasayran nga sa gihimo nila nga hot pursuit operation, aduna silay nadawat nga impormasyon nga nibalik sa planta si Pamatong ug gipang-dis-armahan ang iyang mga kaubang gwardiya hinungdan nga ila kining nadakpan.
Giklaro ni Police Master Sergeant Celmyr Daponlay sa Villanueva Municipal Police Station nga nakaresponde dayun sila human sa pagpanulis nga nahitabo sa Phoenix gasoline station.
Apan tungod kay medyo distansiya ang Phoenix gikan sa ilang station hinungdan nga wala na nila maapsi si Reymark Pamatong.
Matud ni Daponlay nga ila pang gitan-aw ang CCTV sa Phoenix, aron nga ilang ma-verify ang mga suspek. Dugang pa ni Daponlay, nga nadakpan ang suspek nga si Pamatong pinaagi sa hiniusang pwersa sa Villanueva polis ug Police station 6 Puerto, sa Zone 4 Katipunan Villanueva, Misamis Oriental.
Samtang klaro nga maapil ang suspek nga si Bernie Belen sa kaso.
Kini ang gibutyag ni Police Master Sergeant Celmyr Daponlay, tungod kay naa ang presensiya niini sa hitabo, ug sa iyang posisyon nakuha mismo ang gitulis nga kwarta gikan sa Phoenix gasoline station.
Matud ni Daponlay nga human nila madakpan si Pamatong, naghimo na usab sila og follow up operation hinungdan nga ilang nadakpan si Belen.
Nasayran nga nakita sa CCTV nga nagdungan og abot si Pamatong ug Belen sa gasoline station, ug si Belen ang nagsilbing look out.
Dugang pa ni Daponlay, nga sa pahayag ni Belen nga igo lamang niya gisundan si Pamatong ug wala siyay labot sa insidente, katungod na matud pa niini nga pamatud-an sa korte nga siya inosente.
Nasayran nga mokabat sa 25 mil pesos ang kantidad nga gideklara sa Phoenix, nga natulis sa mga suspek.
