MGA TOILETRIES TAGPAN-APOD-APOD NAN RMN DXRS SURIGAO NGADTO SA BAHAY PAG-ASA, BRGY. ANOMAR, SURIGAO CITY
Moabot sa 30 kabuok mga kabataan an nakadawat nan libre na toiletries gikan sa RMN DXRS sa Bahay Pag-asa sa Brgy. Anomar, Surigao City.
An pagpanhatag para sa mga kabataan na nagpangidaron 12 anyos hangtud 20 anyos na nakasaya sa balaod. An Bahay Pag-asa an an nagsilbi na Transition and Rehabilitation Center for Children In Conflict With Law na kon diin an mga tag-atubang na mga kaso kasagaran pagpangawat, pagpanlugos, illegal na droga ug iban pa.
An amo na aktibidad an kabahin sa pagsaulog sa National Children’s Month na kon diin gawas sa toiletries, may boodle fight pa para sa kabataan. Kaiban nan RMN DXRS an kadagkuan sa Surigao City PNP ug Crime Laborary/SOCO.
