Naga-ayo ang mga watchers sa Corazon Locsin Montelibano Memorial Regional Hospital (CLMMRH) nga kuntani pahanugutan sila nga makita ang ila pasyente bisan isa lang ka bes sa isa ka adlaw agud mahibaluan nila ang medical status sang mga ini.
Ini matapos nga gina-dumili sa karun sang hospital ang mga watchers bilang kabahin sang pag-andam sa COVID-19. Bangud sini, ang mga watchers nga kalabanan mga out-of town, ginatatap karun sang Brgy. 18 sa pagpamuno ni Punong Barangay Madeline Diaz.
Sa interview sang DYHB sa isa ka watcher nga residente sang Brgy. Estefania, Bacolod City, nagahibi ini bangud nga wala na siya sang ideya sa medical status sang iya ugangan nga na-admit sang Byernes. Nagligad pa nga Domingo sang ini ang nahatagan sang update sang hospital sa medical status sang ila pasyente.
Samtang, nagaayo naman si Kapitan Diaz sa mga local government units (LGU) nga kuntani mabuligan nila sa iban nga kinahanglanon ang mga watchers kaangay sang tulugan bangud sa nahibaluan nga nagatiner ang mga ini sa mga canopy. Wala naman sang problema sa pagkaon bangud personal nga kwarta ni Diaz ang iya ginagasto kag may gin-donate man ang kilala sang iya mga kabataan.
[image: image.png]
