Mid-year bonus sa mga empleyado sa Kapitolyo Probinsyal, gihandum pa gihapong madawat; apan local finance committee, tan-awon pa kung kinsa nga mga empleyado ang angayang hatagan sa mid-year bonus

Tan-awon matud pa sa local finance committee kung kinsa nga mga empleyado sa kapitolyo probinsiyal ang angayan nga hatagan og mid year bonus.

Kini ang gibutyag ni Misamis Oriental Vice Gov. Jeremy Pelaez, human nga padayun kini nga gihandum sa mga empleyado.

Matud ni Vice Gov. Pelaez nga kini karon ang gitrabaho sa Human Resource Office kon H-R.

Dugang pa sa Bise Gobernador nga kung kwarta lang ang hisgutan, adunay kwarta nga igo lang makahatag og mid year , apan ihatag kini sa mga angayan nga hatagan.