NAARESTO NGA SI RENALYN TEJERO NAG-ATUBANG OG DUGANG KASO
Dugang warrant of arrest ang giserve sa Butuan City Police Intelligence Unit ngadto na nabilanggo nga si Renalyn G. Tejero, 25 anyos, paralegal staff sa Karapatan Caraga.
Sa taho sa Police Regional Office-13 Caraga, samtang nakadetain sa karsel sa Butuan City Police Station 1 si Tejero, giserve ngadto niya ang dugang warrant of arrest sa kasong multiple attempted murder nga ubos sa criminal case no. 2020-82, ug attempted murder ubos sa criminal case no. 2020-140 na adunay girekomendang pyansa nga moabot sa 120 thousand pesos matag kaso.
Ang maong warrant of arrest ang giisyu sa Regional Trial Court Branch 34 sa Agusan del Norte.
Gikaingong nag-ugat ang maong kaso ni Tejero gumikan kay nalambigit matud pa kini sa pagpangataki ngadto na sa tropa sa Alpha Company sa 29th Infantry Battalion Phil. Army didto sa Brgy. Hinimbangan, Kitcharao, Agusan del Norte niadtong Pebrero 5, 2017 og sa nahitabong encounter batok sa Scout Platoon sa 29IB niadtong Oktubre 9, 2017 sa bukirang bahin sa Brgy. Mahayahay, Kitcharao, Agusan del Norte.
Madumduman nga si Tejero ang una nang naaresto niadtong Marso 21 tungod sa duha ka mga warrant of arrest sa kasong murder ug attempted multiple murder didto sa Brgy. Lapasan, Cagayan de Oro City.
ctto…. #TatakRMN #ButuanCity
