Nagpasalamat ang militar sa mga residente sa Barangay Mat-i, Claveria, Misamis Oriental tungod sa dinaliang pagpahibalo kanila nga dunay namatikdang presensya sa New People’s Army sa ilang lugar.
Mahinumduman nga alas 6:30 sa buntag niadtong Hulyo 12, na-engkwentro sa tropa sa 58th IB ang 20 ka mga rebeldeng NPA diin miabot sa 15 minutos ang pagbinayloay og bala sa duha ka panig.
Matud ni LTC Roy Anthony Derilo, commanding officer of the 58 Infantry Battalion, nahitabo ang engkwentro human sa taho sa mga residente sa maong barangay.
Nakumpiska sa militar ang personal nga mga gamit sa NPA lakip na notebooks, duha ka bandoleers ug pito ka loaded magazine, Granada ug anti-personnel mine.
Alayon niini, subling nanawagan si Derilo sa tanang Misamisnon nga ipadayon ang pagtabang sa ilang hanay aron daling mapukan ang walhong grupo.
