Mindanao-wide Conference of Youth, Youth in Climate Action

10

Sarangani Province–Human sa pagduaw nila Philippine Board of Investments Governor Napoleon Concepcion og Philippine Board of Investments Assistant Secretary Felicitas Agoncillo-Reyes, laing myembro sa gabinete ni Pangulong Rodrigo Duterte ang nibisita sa Sarangani Province.

Gibisita ni Assistant Secretary Paul Anthony Pangilinan, commissioner-at-large sa National Youth Commission kon N.Y.C., ang Sarangani Province aron hisgutan ngadto kang Governor Steve Chiongbian Solon ang pag-host sa Sarangani sa muabutay nga Mindanao-wide Conference of Youth, Youth in Climate Action. Nagkaisturya sila Governor Solon og Asec. Pangilinan aron i-plantsa ang maong aktibidad nga tambungan sa mga environmental youth leaders sa tibuok isla sa Mindanao ipahigayon karong bulan sa Oktubre.

Kung ang Sarangani ang usa (1) sa tulo (3) ka mga probinsya sa tibuok Pilipinas nga unang gipili sa Task Force Balik-Loob nga maka-benipisyo sa E-CLIP kon Enhanced Comprehensive Local Integration Program para sa mga kanhing rebelde, ang Sarangani na usab ang usa (1) sa tulo (3) ka mga lugar entiro nasud nga gipili nga mag-host sa maong environmental youth conference. Sa Manila ipahigayon ang para sa mga taga-Luzon, Tacloban sa Visayas, samtang sa Sarangani ang sa Mindanao. Una ng naila ang Sulong Kalikasan program ni Governor Solon tungod sa pagtutok nga ma-protektahan ang kinaiyahan.

Facebook Comments