Minor de edad nga babaye nga wala tuguti nga magminyo, naghikog

64

Molave, Zamboanga del Sur – Ni-unay paghunos sa iyang kinabuhi ang 16-anyos nga babaye human kining gibalibaran sa ginikanan nga makigminyo sa iyang hinugugma didto sa Purok Mapailobon, Dontulan, Molave, Zamboanga del Sur.
Patay nang nakit-an alas 6:00 kagahapon sa buntag ang biktima nga si LIEZL SALADAGA VALE, Grade 9 student nagtungha sa Tambulig National High School niining probinsya.
Napalgan ang biktima nga nagbitay sa pumu-an sa buongon nga upat lang ka metros ang sukod gikan yuta.
Base sa report nga naghigot sa liog ang biktima nga maoy hinungdan sa iyang kamatayon, bisan sa kamubo sa punuan sa buongon gipiko sa biktma ang iyang tiil aron dili kini modapat sa yuta.
Sa imbestigasyon nasayran nga niadtong sabado sa hapon nidangat sa pinuy-anan sa biktima ang pamilya sa iyang hinigugma aron unta sa pagpamalaye ug makigsabot sa pagminyo apan wala misugot ang ginikanan sa biktima sa rason nga menor de edad pa kini.
Wala nahimo ang pamilya ug higala sa hinigugma ni Liezl busa namauli ug nibiya sa lugar ug wala mahinayon ang pamalaye apan kalit nga nidagan ang biktima nga walay tsinelas hangtud nga nakit-an nalang nga patay na.

Facebook Comments

From Advertisers