General Santos City–Gikatakdang I commit sa provincial jail sa koronadal city ang suspek nga menor de edad nga si alyas Janjan, 16 anyos, nga nanimuyo sa Purok Malabarbas, Poblacion kansa subling nasikop sa kapulisan niadtong adlawng Dominggo sa nasampit nga lugar alas 3:25 ang takna sa hapon.
Kahibaloan nga ang suspek maoy responsable nga milugos og mipatay sa iyang manghod nga 4 anyos ug wala pa nakuntento iya pang gisulod ug sako human gihimo ang krimen.
Duna nay warrant ang nasampit sa kasong rape with homicide nga giisyu ni Hon. Judge Adelbert Santillan sa Rtc Brnch- 63, Polomolok, South Cotabato nga walay piyansang gerekomenda ang korte nga pinetsahan niadtong Enero 8, 2019.
Sumala pa ni Police Lieutenant Colonel Samuel Cadungon ang hepe sa polomolok police station nga subli nilang nasikop ang suspek pinaagi sa tabang sa mga Barangay ug Purok Official sa lugar nga maoy mihatag og impormasyon ngadto kanila kalabutan sa suspek nga anaa lamang sa lugar nga nagsuroy-suroy.
Hinungdan nga ilang giphagiyonan og operasyon og malampuson nilang nasikop ang nasampit gumikan kay duna pod kini warrant of arrest.
