Sugdan karong Setyembre 28 ning tuiga adlawng Huwebes, ang Misa-Nobena alang sa pagpangandam sa kapistahan sa ‘’Mahal nga Birhen sa Kota sa Cagayan de Oro.
Himoon ang pag-ampo sa Nobena alas singko sa hapon, ug ang misa nobena himoon sa alas 5:30 sa hapon sa Cathedral ni San Agustin.
Nasayran nga matapos ang Misa Nobena sa Oktobre sais adlawng Biyernes.
Atol sa kapistahan, adunay upat ka prusisyon nga himoon sa alas kwatro sa kadlawon, nga nagsimbolo sa upat ka corner sa kalibutan gikan sa upat ka bikariato sa syudad.
Samtang sugdan ang starting point sa prusisyon sa Our Lady of Mount Carmel Parish Church sa Carmen, Our Lady of Miraculous Medal Parish Church sa Lumbia sa Rotonda ug Our Lady of Holy Rosary Parish Church sa Barangay Agusan sa Nazareno, padulong sa Cathedral ug tapuson alas singko sa buntag nga misa kon selebrada.
Ang mahal nga Birhen sa Kota sa Cagayan de Oro nahimong dako nga kabahin sa kinabuhi ug pagtuo sa mga kagay-anon, hinungdan nga gihimo kining ikaduhang patron sa Archdiocese.
Tungod niini, gidapit karon ni Cagayan de Oro Archbishop Antonio Ledesma ang tanan sa pagduyog sa Misa sa Nobena ilabina sa umaabot nga kapistahan sa Oktubre syete ning tuiga.
By: Mishelle Enloran
