Gipaubos gihapon sa PAG-ASA sa Yellow Rainfall Warning ang pipila ka bahin sa Misamis Oriental tungod sa epekto sa bagyong Amang.
Lakip sa makasinate sa kasarangan hangtud sa kusog nga pag-ulan ang Gingoog, Magsaysay, Medina, Jasaan sa lalawigan sa Misamis Oriental.
Samtang, matud ni Pepito Abelo sa Philippine Ports Authority sa Balingoan, Misamis oriental nga mga alas 7:30 karong buntag mobiyahe na usab ang mga ferry boats paingon sa Camiguin Island.
Kini human giwala sa PAG-ASA ang storm signal sa Camiguin mga alas dos kaganihang kadlawon.
Mahinumduman nga kagahapon gipaubos sa tropical storm signal number one ang lalawigan sa Camiguin ug daghan sa mga pasahero ang napugos nga mouli lang una human gikansela sa Philippine Coast Guard ang biyahe paagto ug pagawas sa Camiguin Island.
