Gibana-banang naa sa 1.4 million pesos ang damyos sa sunog sa Misamis Oriental Provincial Health Office sa Capitol Compound dinhi sa Cagayan de Oro City.
Niabot sa 4th alarm ang sunog nga nagsugod pasado alas sais kagabie ug napalong ang kalayo human ang kapin duha ka oras.
Matud sa Bureau of Fire Protection nga nagsugod ang sunog sa kusina sa motorpool sa Engineering Office sa Misamis Oriental.
Nasayran nga lakip sa mga apektado sa sunog ang lain-laing bakuna nga naa sa sulod sa Provincial Health Office lakip na ang mga bakuna batok sa COVID-19.
Facebook Comments
