Usa ang Misamis Oriental nga tukuran og ‘’Philippine Iron Steel Project’’.
Kini human nga mipirma ang Pilipinas ug ang HBIS group sa China og usa ka memorandum of understanding alang sa 4.4 billion dollar nga steel industry sa nasud.
Matud ni Trade Sec. Ramon Lopez, kung mahimo ng fully operational ang two pahsed project, aduna kini kapas nga mag-produce og 8 milyon tonelada nga bakal matag tuig.
Base sa gipirmahan nga MOU, ang proyekto tawgon og ‘’philippine iron steel project’’ nga mao unya ang pinakadako nga industrial investment sa China sa Pilipinas.
Kung masugdan na ang steel manufacturing plant, aduna kini kapas nga mag-produce og 4.5 milyon tonelada nga hot rolled coil ug 600 thousand tons sa steel slabs.
Gilauman nga maghatag kini og trabaho sa kapin sa 20 mil ka tawo, oras nga mahimo na kining fully operational
Gilauman usab nga matukod ang proyekto sulod sa tulo hangtud sa lima ka tuig.
Matud ni Lopez nga dakong tabang ang ‘’philippine iron and steel project’’ sa build build program sa gobyerno.
