Kalibo, Aklan — Nagapadayon makaron rong ginapatigayon nga search and rescue operation ko mga taga Philippine Coastguard para nga maeowas rong sangka misis nga eomompat sa barako sa baybayon nga sakop it Romblon Lunes it aga-aga.
Nakilaea rong nasambit nga misis kay Richelle Pagdato, 33-anyos ag taga San Dionisio, Iloilo.
Sa pakikipag-angot it RMN DYKR Kalibo kay Lt. Commander Eric Ferrancullo nga bago pa man natabo rong pag-eompat it nasambit nga misis hay kaistorya pa nana ro anang mister samtang gina istorya it crew ko MV Starlite Eagle bangud nga raya nagapangurog.
Matapos rato hay pinilak na ro anang cellphone ag dumaeagan dayon nga eomompat kung sa siin kitaon pa raya sa CCTV footage ko nasambit nga barko.
Insigida man nga nagpatigayon it search and rescue operation rong pila ka mga crew it barko pero uwa gid raya makita.
Nasayuran nga halin sa Metro Manila rong misis kaibahan na ro anang daywang dag-on ag tunga nga unga para magbakasyon sa Iloilo.
Samtang sa pag-usisa man ni Ferrancullo sa mister it biktima nga uwa man sanda it gin-awayan bago matabo rong insidente ag sa makaron hay ruyon pa rong gina sayod kung ano gid ro naging dahilan.
Sa mayad mat-a nga sitwasyon ron unga ag makaron hay daea eon ko anang tatay pauli sa Iloilo matapos nga dali-dali mang umuli tag masayuran ro natabo sa anang misis.
