*Iligan* – Dinagsa ng mga Iliganon ang ginawang mission 2017 o ang annual na outreach program ng RMN Iligan kahapon.
Maraming Iliganon ang naka-benipisyo sa mga libreng serbisyo na ibinigay ng himpilan gaya ng libreng checkup at gamot, libreng purga, bloodletting, blood typing at sugar, feeding, free haircut at masahe.
Alas singko pa lang nang umaga ay nakapila na ang mga Iliganon para sa nasabing programa.
Umuwing nakangiti at may galak sa kanilang mga mukha bitbit ang gamot at bitamina matapos na ma-check-up at nakatanggap sa serbisyo mula sa ginawang mission 2017 ng RMN Iligan.
Ginawa ang mission 2017 bilang pasasalamat sa lahat ng mga Iliganon na tumangkilik at ginawang number 1 ang himpilan mula noon hanggang ngayon.
Pasasalamat rin ito sa boong RMN station sa ika-anim napu’t limang anibersaryo nito ngayong araw.
