Hugot nga pag-ampo, paglikay sa mga sala mao kini ang mga hinagiban batok sa mga dautang tawo spiritu nga posibleng musulod sa lawas sa mga tawo’ng mortal.
Kini ang gihimong tambag-pamahayag ni Fr. Josh Cadorna, usa ka misyonaryong pari, nga maoy Priory sa Order of the Augustinian Discalced kansang kumbento anaa sa Villaparaiso, Ampayon, Butuan City.
Ang pamahayag sa pari, isip reaksyun sa kahibulungan nga hitabo sa Sta. Josefa National High School sa Agusan del Sur, diin pito ka mga tinun-an ang sumala pa “gisudlan sa dautang spiritu o gi-possessed.
Hangtud karon padayun pa sa pakigbugno sa dautang espiritu ang 7 ka mga estudyanteng babaye nga na-possess didto sa Sta. Josefa National High School, Sta. Josefa, Agusan del Sur.
Kahibaloan nga niadtong adlawng Biernes, sa dihang naghimu ug Acquaintance Party ang mga tinun-an sa maong tulunghaan kalit lang nawad-an ug panimoot ang mokabat sa 7 ka mga estudyanting babaye, dili masabot ang tingug ug grabi ka kusgan nga dili madaug bisan ug daghang mga lalaki ang nagpugong kanila.
Gitumbok nga nagdula ug spirit of the glass ang 7 ka mga tinun-an ug maoy posibleng hinungdan sa pagka-posess sa mga biktima.
Tungod sa ngilngig nga hitabu, nihalad ug hiniusang pag-ampo ang sector sa mga relihiyon sa lungsod sa Sta. Josefa aron palayason ang misulod nga dautang espiritu.
Lakip sa mitabang ang mga babaylan sa tribu nga nihalad usab ug ritwal aron pag-abog sa dautang espiritu.
Sa maong insidenti nahadluk na matud pa ang mga estudyante ug mga ginikanan nga masubli ang hitabu gani sumala pa apektado na ang pagtungha sa mga tinun-an sa maong eskwelahan.
Tags: quo vadis domine, bad spirit, sta. josefa agusan sur, priest, possessed
Virus-free. www.avast.com
