General Santos City— Malampusong nadakpan atol sa gipahigayong operasyon sa kapulisan ug uban pang unit ang usa ka Akbar Maguid Buyoc, alyas Saripen nga pag-umangkon ni Tokboy Maguid ug miyembro sa Ansar Al-Khilfa Philippines.
Sumala kang Sarangani Provincial Police Office Director Police Senior Superintendent Joseph Semillano nga alas 3 pasado ang takna sa kadlawon dihang gihimo ang operasyon sa may Brgy. Lumatil, Maasim, Sarangani Province.
Pamahayag niini nga una ng migawas ang pangalan ni Buyoc sa gipagawas nga arrest order sa National Defense kaniadto human gideklara ang martial law sa Mindanao.
Dugang pamahayag ni Col. Semillano nga si Buyoc ang responsable sa pagpangulekta sa mga extrosion activity sa AKP, lakip usab sa trabaho niini mao ang pagpamalit ug mga IED components sa Poblacion Maasim hangtud na dinhi sa dakbayan sa Gensan.
Kung asa siya usab maoy nagahatag ug impormasyon kang Tokboy higayon nga adunay mga operasyon nga pagahimuon ang otoridad ingon man maoy tigsugat sa mga ISIS inspired group gikan sa ubang lugar.
Samtang sa kabahin ni Police Senior Superintendent Johnson Almazan, Deputy Regional Director For Operations nga human ang kamatayon ni Tokboy, aduna na usab laing tawo nga mubarog aron nga pangunahan ang AKP.
Kini aron nga mapahismulan ang grupo nga sagad responsable sa terroristic attack. Gani una ng gikumpirma ni Col. Semillano, nga aduna pay mga nahibiling miyembro ang AKP rason nga posible pa silang magmugna ug laing grupo subay sa tinuuhan niini.
